Agra: American Sansad Jason Smith ne parivar ke sath suryoday ke samay dekha Taj Mahal
Agra: American Pratinidhi Sabha ki Ways and Means Committee ke chairman aur sansad Jason Smith ne budhvar ko parivar ke sath Taj Mahal ka deedar kiya. Kadi suraksha ke beech unhone suryoday ke samay smarak mein pravesh kiya. Suryoday ke samay Taj mein bataya gaya ki surya ki kiranon ke sath sangmarmar ki imarat ke badalte […]
Suryoday ke samay Taj mein
bataya gaya ki surya ki kiranon ke sath sangmarmar ki imarat ke badalte rangon ne unhe khasa aakarshit kiya. Poore bhraman ke dauran suraksha ke kade intezam rahe.
Guide ne bataya itihas
Bhraman ke dauran guide Nitin Singh ne unhe Mumtaz aur Shahjahan ki prem kahani, Taj Mahal ke itihas, uski bejod pacchikari aur sanrakshan ke bare mein vistar se jankari di. Bharatiya vastukala ki barikiyan dekhkar American sansad prabhavit nazar aaye.
Shahjahan ne apni patni Mumtaz Mahal ki yaad mein Agra mein Taj Mahal banwaya tha. Ise UNESCO ki vishwa dharohar suchi mein shamil kiya gaya hai.
Kaun hain Jason Smith
Jason Smith America ke Missouri rajya se Republican sansad hain aur 2013 se Pratinidhi Sabha ke sadasya hain. January 2023 se ve Ways and Means Committee ke chairman hain. Yeh committee America ki sanghiya kar niti, vyapar aur tariff, social security aur Medicare jaise mamlon par adhikar kshetra rakhti hai.
Unki Bharat yatra ke uddeshya aur Agra ke bahar unke anya karyakramon ki jankari filhal uplabdh nahi hai.
Aage bhi padhiye.
